Бисмиллаҳир роҳманир роҳийм

ДИН НИМА? ИСЛОМИЯТ НИМА ДЕГАНИ?

Суюкли қизим! Дин инсонларнинг Аллоҳ таолога оид илмлари, ибодатларини, унинг инсонларга тегишли бўйруқ ва нахийларини баён қилади. Инсон бу дунёга нима учун келди, қаёнга бормоқда, бу йуловчиликнинг том маъноси нима?

Дин инсонларга мана шу келиб-кетишнинг ғояларини, бу дунёда Аллоҳ ризолиги йўлида қилинадиган ишларни ўргатади. Исломият эса бутун динларнинг энг сўнггиси, Аллоҳ таоло томонидан билдирилганларнинг энг буюги ва неъматларшшг энг устунидир.

Суюкли қизим! Ислом инсонларнинг ҳар турли ёмонликлардан узоқлаштириш, саломат ва саодат топиши демакдир.

Тарбия вужуд (бадан)га оид ва руҳиятга оид бўлиши билан икки турга ажратилади. Руҳият билим билан, вужуд эса замон ва маконга қараб, турли ҳаракатлар, одамларга муносабат ва меҳнат билан сиҳат-саломатликка эришади.

Танага оид тарбия боланинг тоза-озода бўлиб, турли хил касалликлардан асралиши, аъзоларининг ҳаракати, ейиш-ичиш ва кийинишдаги яхши ҳолатидир. Ейиш-ичиш пала-партиш ва озода бўлмаган, иссиқдан, совуқдан асралмаган ёки ҳаракатсиз, ялқов тарзда улғайган бола касалликларга кўп чалинади. Ҳаёт синовларида ҳам мағлуб бўлади. Шу сабабли фарзандлар замон ва маконга яраша соғлом ўсиб улғайишлари лозим. Ўқ отиш, от чопиш, сузиш ва кураш каби спорт турлари болаларнинг ҳарбий тайёргарлиги ва ҳаёт синовларига бардошини оширишда катта аҳамият касб этади. Тана ва қўллар тоза, пок бўлиши мусулмонликнинг энг оддий талабидир.

Бир танишим айтиб бердилар: Ўртоғим меҳмонга келди, у билан ўтириб бемалол “қайнона саргузаштлари” ҳақида суҳбат қурдик. Ёнимизда 6 ёшар қизим ўйнаб юрарди. Бир неча кундан сўнг қайнонам меҳмонга келдилар. Қизимнинг бувисига айтган биринчи “янгилиги”: - Бувижон, биласизми, ойимнинг қайнаналари уларни роса қийнаган экан. Сиз ойимни қайнаналарини танийсизми? – бўлди. - Ҳа, қизим танийман, ҳамда жуда яхши танийман, - дедилар қайнонам. Ер ёрилмади, ерга кирмадим. Кўпинча ота оналар “Бу ҳали кичкина, нимани ҳам тушунарди...” деган ҳаёл билан бола ҳузурида қўни-қўшни, қариндош ёки ўқитувчилар ҳақида турли хил гапларни бемалол гапирамиз. Қайсидир маънода бу тўғри ҳам.

Аёл-оила чароғбони, хонадонимиз файзидир. Чунки у мунис она, меҳрибон опа-сингил ва севикли ёр сифатида азалдан қадрланади. Ислом дини аёл кишини юқори даражаларга кўтарган. Унинг аёл кишига берган юксак эътиборини ҳеч бир дин берган эмас, десак, муболаға бўлмайди. Афсуски, “Ислом хотин-қизлар ҳуқуқини поймол этган, илм олишга йўл бермаган” деб «ўз даврида» кўп ёздилар. Эҳтимол, ўша давр тақозоси билан Исломни қоралаш йўлида шундай қилингандир. Аслида эса ундай эмас. Агар исломнинг аёлларга муносабатини чуқур ўрга-надиган бўлсак, ислом аёлларни қанчалар қадрлаганини англаш мумкин. Ислом дини қиз туғилишида барака бўлади, оилага хурсандчилик келади, деган ғояни илгари суради.