Сайт бўлимлари
- Никоҳ эълони ва унда кўнгилху
- Никоҳ тўйини қилиш кимнинг зи
- Эр-хотин орасидаги муштарак ҳ
Muslima.Uz
Қиз болага никоҳ қандай таклиф қилинади?
- Подробности
- Бўлим: Фатволар
Савол: Қиз болага никоҳни қандай тўғри таклиф қилиш керак?
Жавоб: фиқҳий истилоҳда оила қуриш истагини аён қилиш “хутба” дейилади. Хутба – бу муайян аёлга уйланиш истагини шу аёлга ёки унинг оила аъзоларига ошкор этишдир. Бундай таклифни уйланмоқчи бўлган йигитнинг ўзи, унинг оила аъзолари ва совчилар билдириши мумкин. Агарда аёлдан ёки унинг оила аъзоларидан ижобий жавоб олинса, ёшлар унаштирилган ҳисобланади.
Келинни кўргани келиш, совчилик, унаштирув ва шу каби тўй олди анъанавий маросимлар бўлғуси келин – куёв ва уларнинг оила аъзоларининг яқинроқ танишишига имкон беради. Бутун инсоният тарихида фарзандлари оила қуришни қарор қилган оила аъзолари бир – бирлари билан янада яқинроқ танишиш зарурати борлигини ҳис қилган.
Оила қуриш таклифини билдириш мисол учун “мен сенга уйланмоқчиман”, “менинг аёлим бўлишга розимисан?” каби очиқ ёки ишора кўринишида бўлиши мумкин. Масалан, “сенга уйланган киши қанчалар бахтли бўлади”, “сендай аёлни қидирган эдим” каби изҳорлар ҳам никоҳ қуришга таклиф ҳисобланиши мумкин.
Манба: Ислам Тудей
Никоҳ қуришга қатъий қарор қилган қизим билан ёлғиз қолишим мумкинми?
- Подробности
- Бўлим: Фатволар
Хасаннинг саволи: Мен уйланишга қаъий қарор қилган қиз бор. Шунга кўра менда у билан ёлғиз қола оламанми, унинг қўлидан ушлашим мумкинми деган савол бор?
Жавоб: Никоҳ ришталари билан боғланмаган эркак ва аёлнинг ёлғиз қолиши ва бир – бирларининг қўлидан ушлаши ман этилади. Махрам бўлмаган аёлга қараш ман қилинганлигидан келиб чиққан ҳолда унга қўл текказиш умуман мумкин эмас.
"Мен аёллар билан қўл беришиб куришмайман". – деганлар. (Имом Ахмад ривояти).
Яна бир хадисда "Мен аёлларнинг қўлини ушламайман". - деганлар. (Табароний ривояти).
Оиша разияллоху анхо Расулуллоҳ соллаллоҳу алайҳи васаллам хақларида бундай деганлар: "Огох бўлинглар! Аллохга қасамки, Расулуллохнинг қўллари, бирон бир (бегона) аёлнинг қўлига харгиз тегмаган, аёллар билан байьат қилсалар сўз билан байьат қилар эдилар". (Имом Муслим ривояти).
Ҳадисларнинг бирида: "Сизлардан бирортангизнинг бошига бигиз билан урилиш, ўзига ҳалол бўлмаган аёлга қўл теккизишдан кўра яхшироқдир", дейилган. (Табароний ривояти).
Эркакнинг бегона аёл қўлидан узрли сабабларсиз тутиши харом саналади. Шундан келиб чиқадики никоҳда бўлмаган эркак ва аёлнинг бир – бирларининг қўлидан ушлаши ман этилади.
Аёлга тегиниш эркакнинг шаҳватини қўзғатиши мумкин ва натижада бу янада оғирроқ гуноҳ содир этилишига сабаб бўлиши мумкин. Шундай экан никоҳсиз эркак ва аёл ўз муносабатларида жуда эътиборли ва эҳтиёткор бўлишлари, гуноҳга олиб борадиган ҳар қандай ҳолатдан сақланиб ҳаракат қилишлари лозим. Оила қуришга бўлган қатъий қарор ва ҳаттоки у билан унаштирув ҳам, ҳали у бизнинг аёлимиз эканлигини англатмайди. Шунинг учун аёл ва эркак унаштирилган бўлсаларда ёлғиз қолишлари ва бир – бирларининг қўлидан ушлашлари ман этилади.
Имом Аҳмад Умар ибн Хаттоб розияллоҳу анҳудан ривоят қилган ҳадисларида Расулуллоҳ соллаллоҳу алайҳи ва саллам: “Эркак ва аёл холи қолсалар учинчилари шайтон бўлади” деб айтганлар.
Шахноза Олимбой қизининг таржимаси
Қизлик пардасини тикиш мумкинми?
- Подробности
- Бўлим: Фатволар
Савол: Дугонам ёмон йўлларда юриб қизлигини йўқотди. Лекин қилган ишларига пушаймон бўлиб, рост тавба қилди. Энди у ўзи ва оиласининг шаънини сақлаб қолиш учун бокиралик пардасини тикласа бўладими?
Абортнинг ҳукми
- Подробности
- Бўлим: Фатволар
Савол: Тўрт ойлик бўлмасдан олдин бола олдиришнинг ҳукми нима? Агар аёл ўлишдан қўрқса, ҳомиласини олдириши мумкинми?
Ҳомиладорликнинг олдини олиш
- Подробности
- Бўлим: Фатволар
Савол: Бир фарзанди бор кишининг хотини агар яна туғадиган бўлса, уларни боқишликда қийналиб қоламан, ёки яхши тарбия бера олмайман, кетма-кет туғса хотинимнинг соғлиги ёмонлашиб қолади, деган ўйлар билан ўзи ёки хотини ҳомиладорликнинг олдини олиш воситаларидан фойдаланса бўладими?
Жавоб: Саволда кўрсатилган сабаблар учун манийни аёл аъзосидан ташқарига тўкиш ёки тўсиш, ёхуд бачадон оғзини ёпадиган нарса қўйиш каби ҳомиладорликнинг олдини олишнинг турли воситаларидан фойдаланиш мумкин. Мазҳабимизга кўра эр ҳам, хотин ҳам, бундай воситалардан фойдаланаётганда жуфтининг озилигини олиши керак бўлади.
Лекин мутааххир олимлар агар эркак замон бузуқлигидан қўрқиб, узоқ сафардагига ўхшаш ҳолатларда фарзанд тарбиясидан хавфсираб, бундай воситалардан хотиннинг розилигисиз фойдаланса жоиз, дейишади. “Фатҳ” соҳиблари буни воситалардан фойдаланишни мубоҳ этадиган узрлардан ҳисоблайдилар. Шунга қиёсан хотин ҳам эрнинг изнисиз бачадони оғзини тўсиши тўсиб, ҳомиладорликдан сақланиши мумкин.
Аммо ҳомила бачадонда ўрнашгандан кейин уни тушириш масаласининг ҳукми бошқача. Нима бўлганда ҳам шуни унутмаслик керакки, банда ҳар қандай воситалардан фойдаланмасин Аллоҳ қадар қилган иш бўлади. Жобир ибн Абдуллоҳ (р.а.) айтадилар: “Бир одам Пайғамбар (с.а.в.)дан сўраб деди: “Қўл остимда жориям бор. Мен ундан азл (манийни ташқарига тўкиш) қиламан”. Шунда Расулуллоҳ (с.а.в.): “Албатта бу Аллоҳ ирода қилган нарсани қайтаролмайди”, дедилар”. Насаий ривояти.
Валлоҳу аълам.
Мубашшир Аҳмад
Кўп манзур бўлган мақолалар
- Оилали фоҳишалар
- Эр-хотин ўртасида муҳаббатни кучайтириш учун 10 та восита
- Хар дарднинг шифоси бор
- Жинсий қарамлик (шаҳватпарастлик)
- Зинонинг “замонавий” тури
- Эр ўз аёлидан зерикканлигининг аломатлари
- Рамазонда хотини билан қўшилишлик
- «Мен ичмайман» дейсизми?
- «Сен буюк ялқов бўлиб етишасан!»
- Mаданий ҳордиқдаги маданиятсизлик
Ҳозир сайтимизда 30 та меҳмон бор, сайт аъзолари эса йўқ